rent chassez de la crestienté, mors et destruits, le roy a grant ost vint sur les Frisons, et fist tellement a l’ayde du duc Gerard, que il les subjugua, et par force il les fist au roy obeïr. Après toutes ces haultes besongnes, le roy retourna a Paris et le noble duc avecques luy, lequel fut tant bien des princes et barons de France que oncques mais il ne l’avoit mieulx esté. Et quant le roy avoit a passer on accorder aucune chose, il ne l’eust point passé sans le sceu du noble duc, lequel estoit pour lors son principal conseillier et gouverneur. Et durant celluy temps, furent les princes et barons, tant d’ung costé comme d’autre, bons et amis ensemble,[1] la paix final des deux ducs Gerard de Roucillon et Thierry d’Ardenne, mais elle ne dura pas moult, car il fut occis meschamment par les amis du duc Gerard, dont si grant meschief recommença en France que la premiere guerre n’avoit pas esté si grande comme elle fut depuis, comme cy après (fol. iijc. .iiijxx. xix.) vous sera bien au long declairé. Et advint ce meschief par les amis du comte Huidres quy fut occis en la bataille de Vaulbeton, quy voulurent vengier sa mort sur le duc Thierry. Mais pour venir a la vraie matiere, sans traverser ne querir autres alibis, dist l’istoire :
L’ancienne histoire raconte que le terme venu des tresves que le duc Gerard et le duc Thierry avoient ensemble ..... .......... .......... .......... ..........
....................
- ↑ Il faut sans doute suppléer et fut faite, ou l’équivalent.
