Page:Michelet - OC, Histoire de France, t. 3.djvu/439

429

APPENDICE

erit… C’est-à-dire qu’il vouloit que chascun homme fut le seigneur de cen qu’il occuperoit de terre. Ainsi départirent les fils d’Adam la terre et en furent seigneurs trois mil ans et plus, avant le temps Melchisedech qui fut le premier Prêtre qui fut Roy, si comme dit l’histoire : mais il ne fut pas Roy de tout le monde : et obéissant la gent à li comme a Roy du temporel et non pas a Prestre si fut autant Roy que Prestre. Emprès sa mort fut grands temps, 600 ans ou plus, avant que nul autre fust Prestre. Et Dieu le Père qui donna la Loy à Moïse, l’establit Prince de son peuple d’Israël et li commanda que il fist Aaron son frère souverain Prestre et son fils après li. Et Moïse bailla et commist quand il deust mourir, du commandement de Dieu, la seigneurie du temporel non pas au souverain Prestre son frère mais à Josué sans débat que Aaron et son fils après li y missent : mais gardoient le tabernacle… et se aidoient au temporel défendre… Celuy Dieu qui toutes les choses présentes et avenir sçavoit, commanda à Josué leur Prince qu’il partist la terre entre ces onze lignies ; et que la lignie des Prestres eussent en lieu de leur partie les diesmes et les premisses de tout, et en resquissent sans terre, si que eux peussent plus profitablement Dieu servir et prier pour ce pueuble. Et puis quand ce peuple d’Israël demanda Roy à nostre Seigneur, ou fit demander par le prophète Samuel, il ne leur eslit pas ce souverain Prestre, mais Saül qui surmontoit de grandeur tout le pueuble de tout le col et de la teste… (Allusion à Philippe-le-Bel ?) Si que il not nul Roy en Hierusalem sus le pueuble de Dieu qui fust Prestre, mais avoient Roy et souverain Prestres en diverses personnes et avoit l’un assez a faire de gouverner le temporel et le autre l’espirituel du petit pueuble et si obéissoient tous les Prestres, du temporel as Rois. Emprès Notre-Seigneur Jésus-Christ fut souverain Prestre, et ne trouve l’en point écrit qu’il eust oncques nulle possession de temporel… Après ce, sainct Père (Pierre)… Ce fust grande abomination à ouïr que c’est Boniface, pour ce que Dieu dit à sainct Père : « Ce que tu lieras en terre sera lié au ciel », cette parole d’espiritualité entendit mallement comme bougre, quant au temporel. Il estoit greigneur besoin qu’il sceust arabic, caldei, grieux, ebrieux et tous autres langages desqueulx il est moult de chrétiens qui ne croient pas, comme l’église de Rome… Vous nobles Roy… herège defendeour de la foy, destruieur de bougres povès et devès et estes tenus requerre et procurer que ledit Boniface soit tenus et jugez pour herège et punis en la manière que l’on le pourra et devra et doit faire emprès sa mort. » (Dupuy, Différ., p. 214-218.)