Li preudom, et en porvéance
Qu’il en voie sa délivrance.
Quant l’enfes ot .XV. anz passez,
Cil, qui n’est mie respassez
De son mal, qui moult est irais,
A sa fame s’est un jor trais,
Et dist : « Dame, ne vous griet pas
Que demain vueil, sans nul trespas.
En marchéandise r’aler ;
Fetes tost mes dras enmaler.
Moi auques matin esveillier.
Et vostre fil appareillier,
Q’o moi le vueil mener demain.
Savez-vous porqoi je l’i main ?
Jel vous dirai sans demander :
Por aprendre à marchéander
Entruès qu’il est de jone aage.
Jà ne verrez home fin sage
De nul mestier, sachiez sanz doute,
Se il n’i met son sens et boute
Ainçois qu’il ait usé son tans.
— Sire, bien m’i suis assentans ;
Mais encore, s’il vous pléust.
Mon fils encor ne s’en méust ;
Et, puis que voz plesirs i est.
Au contredit n’a point d’aquest.
Ne desfendre ne m’en porroie :
Demain vous métrez à la voie,
Et Diex, qui là sus est et maint,
Page:Montaiglon - Recueil général et complet des fabliaux des 13e et 14e siècles, tome I.djvu/192
Le texte de cette page a été corrigé et est conforme au fac-similé.
164
50
fabliau xiv
![](http://upload.wikimedia.org/wikipedia/commons/thumb/2/23/Montaiglon_-_Recueil_g%C3%A9n%C3%A9ral_et_complet_des_fabliaux_des_13e_et_14e_si%C3%A8cles%2C_tome_I.djvu/page192-1024px-Montaiglon_-_Recueil_g%C3%A9n%C3%A9ral_et_complet_des_fabliaux_des_13e_et_14e_si%C3%A8cles%2C_tome_I.djvu.jpg)