Page:Montaiglon - Recueil général et complet des fabliaux des 13e et 14e siècles, tome I.djvu/269

82

241

gombert et les .ii. clers

Lors se liève^[1] sire Gombers ;
S’ala à l’uis pissier toz nuz^[2] ;
L’autre^[3] clers est au lit venuz ;
85A l’esponde par de devant
Prist le berçuel o tout l’enfant^[4],
Au lit le porte où a géu.
Or est dant Gombert decéu^[5] ;
Quar adès à coustume avoit^[6]
90La nuit, quant de pissier venoit.
Qu’il tastoit^[7] au berçuel premier.
Si come il estoit^[8] coustumier,
Lors vint^[9] tastant sire Gombers
Au lit, mès n’i ert pas li bers ;
95Quant il n’a le berçuel trové^[10].
Lors se tient à musart prové ;
Bien cuide avoir voie marie.
« Li maufez, dist^[11]-il, me tarie,
Quar en cest lit gisent mi oste. »
100Il vint^[12] à l’autre lit encoste,
Le bers i trueve et le mailluel^[13],
Et li clers jouste le pailluel
Se trest, que nel truist le vilain^[14].
Moult fu sire Gombers en vain^[15],
105Quant il n’a sa fame trovée ;
Cuide qu’ele soit relevée
Pissier et fère ses degras.
Li vilains senti chaus les dras.
Sise couche entre .II. linceus ;
110Li sommaus li fu pris des eux ;
Si s’endormi isnel le pas.

1. 82 — Lors se lieve. B, Dont se leva.
2. 83 — B, Si s’en ala pissier toz nus.
3. 84 — L’autre. B, Et li.
4. 86 — B, Si prent le berch atout l’enfant.
5. 88 — B, Evous le vilain deceü.
6. 89 — B, Car tout acoustumé tenait.
7. 91 — tastoit. B, sentoit.
8. 92 — estoit. B, en iert.
9. 93 — Lors vint. B, Vint à.
10. 95 — B :

    Car li clers l’en avoit osté ;
    Quant il n’a le beschuel trouvé.
    Si cuide avoir voie cangie,

11. 98 — dist, B, fait. — * tarie. A, B, carie.
12. 100 — Il vint. B, Lors vient.
13. 101 — B, Si sent le berch et le mailluel.
14. 103 — B, Se tint que li vilains nel sente.
15. 104 — À partir de ce vers jusqu’à la fin de la pièce, le ms. B, détérioré par l’humidité, est tout à fait illisible, sauf en quelques rares vers que nous relevons.