Page:Montaiglon - Recueil général et complet des fabliaux des 13e et 14e siècles, tome III.djvu/280

270

230

fabliau lxxxvii

De ma confession oïr. »
Lors n’ont talent d’eulz esjoïr
Li cordelier ; dedens Pontoize
Vousissent estre, moût lor poize
205Que la dame de ce parole :
Ne lor plot pas ceste parole,
Car paour ont de parsovance^[1].
Frere Symons de li s’avance,
Puis li dit, quant de li s’apresse :
210« Dame, à moi vos ferez confesse ;
Car ciz Freres n’a pas licence
De vos enjoindre penitance. »
Et la dame li dit^[2] : « Biau sire,
A cestui vuel mes pechiez dire,
215Et de confession parleir. »
Lors l’a fait en sa chambre aleir,
Et puis clot l’uis, et bien le ferme,
O li Frere Denize^[3] enferme ;
Puis li a dit : « Ma douce amie.
220Qui vos concilia teil folie,
D’entreir en teil religion ?
Si me doint Dieus confession
Quant l’arme dou cors partira,
Que ja pis ne vos en sera,
225Se vos la veritei m’en^[4] dites ;
Si m’aïst li sainz Esperites,
Bien vos poez fieir en moi. »
Et cele qui ot grant esmoi^[5].
Au mielz^[6] qu’el puet, de ce s’escuze ;
230Mais la dame la fist concluze

1. 207 — A, d’apercevance.
2. 213 — A, Et de respondi.
3. 218 — A, Avoec li dant.
4. 225 — m’en. A, me.
5. 228 — A, esfroi.
6. 229 — B, mierllz. — A, que.