se pleint plus que de la mort, dequoy elle luy rompt le train d’vne belle victoire : l’autre qu’il luy faut desloger auant qu’auoir marié sa fille, ou contrerolé l’institution de ses enfans : l’vn pleint la compagnie de sa femme, l’autre de son fils, comme commoditez principales de son estre. Ie suis pour cette heure en tel estât, Dieu mercy, que ie puis desloger quand il luy plaira, sans regret de chose quelconque : ie me desnoue par tout : mes adieux sont tantost prins de chascun, sauf de moy. Iamais homme ne se prépara à quiter le monde plus purement et pleinement, et ne s’en desprint plus vniuersellement que ie m’attens de faire. Les plus mortes morts sont les plus saines.
miser ô miser (aiunt) omnia ademit
Vna dies infesta mihi tôt præmia vitæ :
et le bastisseur,
manent (dict-il) opéra interrupta, minæque
Murorum ingentes.
Il ne faut rien designer de si longue haleine, ou au moins auec
telle intention de se passionner pour en voir la fin.Nous sommes
nés pour agir :
Ie veux qu’on agisse, et qu’on allonge les offices de la vie, tant
qu’on peut : et que la mort me treuue plantant mes choux ; mais
nonchallant d’elle, et encore plus de mon iardin imparfait. J’en
vis mourir vn, qui estant à l’extrémité se pleignoit incessamment,
dequoy sa destinée coupoit le fil de l’histoire qu’il auoit en main,
sur le quinziesme ou seixiesme de nos Roys.
Illud in his rebus non addunt, nec tibi earum
Iam desiderium rerum super insidet vna.
Il faut se descharger de ces humeurs vulgaires et nuisibles. Tout ainsi qu’on a planté nos cimetières ioignant les Eglises, et aux lieux les plus fréquentez de la ville, pour accoustumer, disoit Lycurgus, le bas populaire, les femmes et les enfans à ne s’effaroucher point de voir vn homme mort : et affin que ce continuel spectacle d’ossemens, de tombeaux, et de conuois nous aduertisse de nostre condition.
Quin eliam exhilarare viris conuiuia cœde
Mos olim, et miscere epulis speclacula dira
Certantum ferro, sæpe et super ipsa cadentum
Pocula, respersis non parco sanguine mensis.
Et comme les Egyptiens après leurs festins, faisoient présenter aux assistans vue grande image de la mort, par vn qui leur crioit : Boy, et t’esiouy, car mort tu seras tel : aussi ay-ie pris en coustume, d’auoir non seulement en l’imagination, mais continuellement la mort en la bouche. Et n’est rien dequoy ie m’informe si volontiers, que de la mort des hommes : quelle parole, quel visage, quelle
