deuons dire de mesme de la science de distinguer les vices : sans la quelle, bien exacte, le vertueux et le meschant demeurent meslez et incognus.Or l’yurongnerie entre les autres, me semble vn vice grossier et brutal. L’esprit a plus de part ailleurs : et il y a des vices, qui ont ie ne sçay quoy de généreux, s’il le faut ainsi dire. Il y en a où la science se mesle, la diligence, la vaillance, la prudence, l’addresse et la finesse : cestuy-cy est tout corporel et terrestre. Aussi la plus grossière nation de celles qui sont auiourd’huy, c’est celle là seule qui le tient en crédit. Les autres vices altèrent l’entendement, cestuy-cy le renuerse, et estonne le corps.
Cùm vint vis penetrauit,
Consequitur grauitas membrorum, præpediuntur
Crura vacillanti, tardescit lingua, madet mens,
Nant oculi ; clamor, singultus iurgia gliscunt.
Le pire estât de l’homme, c’est où il port la connoissance et gouuernement de soy. Et en dit on entre autres choses, que comme le moust bouillant dans vn vaisseau, pousse à mont tout ce qu’il y a dans le fonds, aussi le vin faict desbonder les plus intimes secrets, à ceux qui en ont pris outre mesure.
Tu sapientium
Curas, et arcanum iocoso
Consilium retegis Lyæo.
Iosephe recite qu’il tira le ver du nez à vn certain ambassadeur que les ennemis luy auoient enuoyé, l’ayant fait boire d’autant. Toutesfois Auguste s’estant lié à Lucius Piso, qui conquit la Thrace, des plus priuez affaires qu’il cust, ne s’en trouua iamais mesconté : ny Tyberius de Cossus, à qui il se deschargeoit de toys ses conseils : quoy que nous les sçachions auoir esté si fort subiects au vin, qu’il en a fallu rapporter souuent du Sénat, et l’vn et l’autre yure,
Et commit on aussi fidèlement qu’à Cassius beuueur d’eauc, à Cimbcr le dessein de tuer César : quoy qu’il s’cnyurast souuent : d’où il rcspondit plaisamment, Que ie portasse vn tyran, moy, qui ne puis porter le vin ! Nous voyons nos AUemans noyez dans le vin, se souuenir de leur quartier, du mot, et de leur rang.
Nec facilis victoria de madidis, et
Blæsis, atque mero titubantibus.
