trouue pas où ie me cherche : et me trouue plus par rencontre, que par l’inquisition de mon iugement. I’auray eslancé quelque subtilité en escriuant. I’enten bien, mornée pour vn autre, affilée pour moy. Laissons toutes ces honnestetez. Cela se dit par chacun selon sa force. Ie l’ay si bien perdue que ie ne sçay ce que i’ay voulu dire : et l’a l’estranger descouuerte par fois auant moy. Si ie portoy le rasoir par tout où cela m’aduient, ie me desferoy tout. Le rencontre m’en offrira le iour quelque autre fois, plus apparent que celuy du midy : et me fera estonner de ma hésitation.
CHAPITRE XI.
uant aux oracles, il est certain que bonne pièce auant la venue
de lesus Christ, ils auoyent commencé à perdre leur crédit : car
nous voyons que Cicero se met en peine de trouuer la cause de
leur défaillance. Et ces mots sont à luy : Cur isto modo iam oracula Delphis non eduntur, non modo nostra œtate, sed iamdiu, vt nihil possit esse contemptius ? Mais quant aux autres prognostiques, qui se
liroyent de l’anatomie des bestes aux sacrifices, ausquels Platon attribue
en partie la constitution naturelle des membres internes
d’icelles, du trépignement des poulets, du vol des oyseaux, Aues quasdam rerum augurandarum causa natas esse putamus, des fouldres, du tournoyement des riuieres, Multa cernunt aruspices : multa augures prouident : multa oraculis declarantur : multa vaticinationibus : multa somniis : multa portentis, et autres sur lesquels l’ancienneté
appuyoit la pluspart des entreprises, tant publicques que
priuées ; nostre Religion les a abolies.Et encore qu’il reste entre
nous quelques moyens de diuination és astres, és esprits, és figures
du corps, és songes, et ailleurs : notable exemple de la forcenée
curiosité de nostre nature, s’amusant à préoccuper les choses futures,
comme si elle n’auoit pas assez affaire à digérer les présentes :
