cur hanc tibi rector Olympi
Sollicitis visum mortalibus addere curam,
Noscant venturas vt dira per omina clades ?
Sit subitum quodcunque paras, sit cæca futuri
Mens hominum fati, liceat sperare timenti :
Ne vtile quidem est scire quid futurum sit : Miserum est enim nihil proficientem angi : si est-ce qu’elle est de beaucoup moindre auctorité. Voylà pourquoy l’exemple de François Marquis de Sallusse m’a semblé remerquable : car Lieutenant du Roy François en son armée delà les monts, infiniment fauorisé de nostre cour, et obligé au Roy du Marquisat mesmes, qui auoit esté confisqué de son frère : au reste ne se présentant occasion de le faire, son affection mesme y contredisant, se laissa si fort espouuanter, comme il a esté adueré, aux belles prognostications qu’on faisoit lors courir de tous costez à l’aduantage de l’Empereur Charles cinquiesme, et à nostre desauantage (mesmes en Italie, où ces folles prophéties auoyent trouué tant de place, qu’à Rome fut baillée grande somme d’argent au change, pour cette opinion de nostre ruine) qu’après s’estre souuent condolu à ses priuez, des maux qu’il voyoit ineuitablement préparez à la couronne de France, et aux amis qu’il y auoit, se reuolta, et changea de party : à son grand dommage pourtant, quelque constellation qu’il y eust. Mais il s’y conduisit en homme combatu de diuerses passions : car ayant et villes et forces en sa main, l’armée ennemie soubs Antoine de Leue à trois pas de luy, et nous sans soupçon de son faict, il estoit en luy de faire pis qu’il ne fit. Car pour sa trahison nous ne perdismes ny homme, ny ville que Fossan : encore après l’auoir long temps contestée.
Prudens futuri temporis exitum
Caliginosa nocte premit Deus,
Ridétque si mortalis vitra
Fas trepidat.
Ille potens sui
Lætûsque deget, cui licet in diem
Dixisse, vixi ; cras vel atra
Nube polum pater occupato,
Vel sole puro.
Lætus in præsens animus, quod vltra est,
Oderit curare.
Et ceux qui croyent ce mot au contraire, le croyent à tort. Ista sic reciprocantur, vt et si diuinatio sit, dij sint : et si dij sint, sit diuinatio. Beaucoup plus sagement Pacuuius,
Nam istis qui linguam auium intelligunt,
Plùsque ex alieno iecore sapiunt, quàm ex suo,
Magis audiendum quàm auscultandum censeo.
Cette tant celebree art de deuiner des Toscans nasquit ainsin. Vn laboureur perçant de son coultre profondement la terre, en veid sourdre Tages demi-dieu, d’vn visage enfantin, mais de senile prudence. Chacun y accourut, et furent ses paroles et science recueillie et conseruee à plusieurs siècles, contenant les principes et moyens
