Le texte de cette page a été corrigé et est conforme au fac-similé.
XI
Vendrédi, Atipa rouçouwai visite, di Jean-Gailla ; li té in hò.
— Mo anpprendne to Cayenne, dit Jean-Gailla, mo vini wai to. To ça oune nègue qui connaite toute zaffai di peye la, conté mo yé moceau donc ? Mo content causé qué to.
— Volonkié, compè ! réponne Antipa. En nous pronmeinnein, là-sous crique, bò di pont chainne ; pendant nous ca pronmeinnein la, nous wa causé.
Yé soti ; yé prend chimin là-sous crique.
Jean-Gailla ça oune nègue Karoabo ; a peye Wacapou, ça arada. So nom di vrai, ça Jean. Li si lesse, dipis li pitit, so pitit compangnin té c’appelé li : Jean-Gailla. Li gadé nom di joué la.
— To wai, dit Atipa, zaffai peye la, li beau-