Cette page a été validée par deux contributeurs.
— To pas connaite argot, reponne Atipa ? Mo té blié to ça nègue en bas ; a langage beif, qué baguise, oune so, zòte connaite, bò la.
— Cayenne, toute pitit moune savé palé argot. Mé oune façon :
Togo çaga ounegou nèguè engan basga.
— Qui ça mo dit to ?
— Orho, frè ! réponne Bosobio ; to langue la, a pas blangue, oune so, li ca maré non !
— Et ça la encò, continoin Atipa :
Mosso cassa lessé dronsson missi.
— A qui ça mo ca tendé la meinme, dit Bosobio ; mo pas comprendne yé oune.
— Oune òte jou, dit Atipa, mo wa espliqué to ça. To qui ça criole di peye, to pou ca tendé, jougé blangue ?
— Côté blangue pou ca tendé, engnin engnin ditout, meinme, ça quand nègresse ca jouré yé compangnin. To savé, coument yé