lée & extraicte de ceruelle[1], comme Pallas : & ne me sera corriual ce beau Iuppin, & ia ne saulsera son pain en ma souppe[2], quand ensemble serions à table. Considerez ses gestes & beaulx faictz. Il a esté le plus fort ruffien, & plus infame Cor, ie diz Bordelier[3], qui oncques feut : paillard tousiours comme vn Verrat : aussi feut il nourry par vne Truie en Dicte de Candie, si Agathocles Babylonien ne ment[4] : & plus boucquin que n’est vn Boucq : aussi disent les autres, qu’il feut alaicté d’vne cheure Amalthée. Vertus de Acheron, il belina pour vn iour la tierce partie du monde, bestes & gens, fleuues, & montaignes : ce feut Europe. Pour cestuy belinaige les Ammoniens le faisoient protraire en figure de belier belinant, belier cornu. Mais ie sçay comment guarder se fault de ce cornart. Croyez qu’il n’aura trouué vn sot Amphitrion, vn niais Argus auecques ses cent bezicles : vn couart Acrisius, vn lanternier Lycus de Thebes, vn resueur Agenor, vn Asope phlegmaticq, vn Lychaon patepelue, vn modourre Corytus de la Toscane, vn Atlas à la grande eschine. Il pourroit cent & cent foys se transformer en Cycne, en Taureau, en Satyre, en Or, en Coqu, comme feist quand il depucella Iuno sa sœur : en Aigle, en Belier, en Pigeon, comme feist estant amoureux de la pucelle Phtie, laquelle demouroit en Ægie : en Feu, en Serpent, voire certes en Pusse, en Atomes Epicureicques, ou magistronostralement[5] en secondes intentions. Ie vous grupperay au cruc. Et sçauez que luy feray ? Cor bieu, ce que feist Saturne au Ciel son pere. Senecque l’a de moy predict, & Lactance confirmé. Ce que Rhea feist à Athys. Ie vous luy coupperay les couillons tout rasibus du cul. Il ne s’en fauldra vn pelet. Par ceste raison ne fera il iamais Pape, car testiculos non habet[6]. Tout
- ↑ Jeu de mots sur la naissance de Pallas, sortie du cerveau de Jupiter qui, pour cette raison, est appelé (p. 62, l. 1) « son pere capital. »
- ↑
La Femme est en effet le potage de l’Homme ;
Et quand vn Homme voit d’autres Hommes par fois,
Qui veulent dans sa soupe aller tremper leurs doigts,
lien montre aussi-tost vue colere extrême.Cette comparaison, un peu gauloise, avait été mal prise par les Précieuses, et Climène dit dans La Critique (s. iii) : « I’ay pensé vomir au potage. »
- ↑ Panurge va d’abord pour dire cordelier, mais il s’arrête et se reprend.
- ↑ Voyez Athénée, ix, 5.
- ↑ Voyez ci-dessus, p. 183-184, la note sur la l. 31 de la p. 248.
- ↑ « Il n’a point de testicules. »
