miſtocles eſtoit fort vtile, mais, treſ-iniuſte :
Ils dirent tous d’vne voix qu’ils n’en vouloyent
point : Nous auons donc en ce faict-cy obligatiõ
& deuoir de regarder autant la iuſtice & honeſteté côme
l’vtilité publique du royaume d’Angleterre.
De ce biẽ public s’il y a intereſt ou nõ, i’en
ay deſia, ce me ſemble, parlé aſſez : reſte ſeulemẽt
à vuyder, ſi le fait eſt auſsi iuſte & honeſte, comme
vtile & neceſſaire. Il eſt bien certain & ne ſe
peut nier, que c’eſt vn des plus grans crimes qui
ſe peuuent commettre enuers les hommes que de
conſpirer contre le Roy en ſon royaume, contre
ſon eſtat & rauiſſement d’iceluy : l’exemplaire punition
de Coré, Dathan, & Abiron le teſmoigne
aſſez : Dauid ordonné & eſleu de Dieu pour eſtre
Roy apres Saul, s’eſt contenté de ſe deffendre &
ſe garentir ſans iamais attenter ſur la perſonne de
Saul, à qui neantmoins il eſtoit deſtiné ſucceſſeur
de la bouche de Dieu. Et combien que Saul luy
fiſt guerre mortelle & iniuſte, ſi eſt-ce que Dauid
ſe condamnoit comme digne de mort, s’il euſt
attenté contre Saul, & fit mourir celuy qui l’oſa
entreprendre, quoy qu’il ſe couuriſt du commandement
& de la necefsité de Saul. Ce ſeroit vne
ſuperflue & vaine oſtentation de s’amplifier
en long difcours ſur la preuue d’vne maxime ſi indubitable :
Que celuy qui veut renuerſer l’eſtat &
attẽter ſur la vie du Seigneur ſouuerain d’iceluy
(ie ne parle pas du tyran ny de la tyrãnie aufsi) eſt
digne du ſupplice de mort : & eſt permis, voire cõmandé
aux Peres de maſſacrer leurs enfãs, & aux
freres leurs freres qui conſpirent contre l’eſtat.
Auſsi qui regarde combiẽ de maux & de crimes
Page:Reveille-matin des François, 1574.djvu/224
Le texte de cette page a été corrigé et est conforme au fac-similé.
18
D I A L O G V EI I.
