niere de guerre, on demande en quelle guerre les
Anglois l’ont prinſe. Que l’on ſe repreſente ce
que Elizee dit au roy d’Iſrael, quand il amena les
Syriens miraculeuſemẽt aueuglez au roy d’Iſrael,
leſquels voulãt faire mourir, le Prophete luy dit,
qu’il ne les auoit pas prins par glaiue : & par ainſi
qu’il ne les pouuoit faire mourir, ny retenir : ains
les deuoit laiſſer aller en paix : comme il fit.
Si on vouloit ſubtilizer ſur les actiõs paſſees de
la royne d’Eſcoſſe, & dire qu’elle eſt chargee d’auoir
fait mourir le feu roy d’Eſcoſſe ſõ mary, natif
d’Angleterre : par ainſi qu’il eſtoit loiſible à la royne
d’Angleterre de cognoiſtre & iuger du tort fait
à ſon ſuiet par vn eſtrãger le trouuãt en ſa terre.
Ce ſeroit entre gens de bon iugemẽt vne couleur
recerchee, pour maſquer vne charité de Cour : &
ne fuſt il que de ce que le feu roi d’Eſcoſſe ſe faiſant
roy d’Eſcoſſe, quitta aſſez par la ſa naturelle
patrie. Et la Royne meſme l’ayãt approuué pour
roy d’Eſcoſſe, taiſiblemẽt abdica de ſoy ſon ſuiet :
comme ancienemẽt les patrõs leurs ſerfs. Parainſi
elle ne la peu tenir depuis pour ſon ſuiect.
Et quand bien la iuſtice, le droict & la raiſon,
permettroyẽt de faire mourir legitimemẽt la royne
d’Eſcoſſe : encores propoſera-on à la Royne
d’Angleterre, pour l’eſmouuoir à grace & cõmiſeration :
Premieremẽt que la royne d’Eſcoſſe eſt ſa
prochaine parente. L’exẽple de Dauid enuers ſon
fils Abſalon : du roy Charles 5. enuers le roy Philippe
de Nauarre. Puis le naturel de la royne
d’Angleterre ayant touſiours regné en telle douceur,
quelle en eſt louee & admiree par toute la
