Daniel parlant de ceſt Empire des Romains, il
m’a ſemblé, afin que ie ne mente, parler aux vrais
doigts de terre, deſquels Daniel le Prophete, fait
mention, tous ſeparez les vns, des autres : aiſez à
rompre, & à froiſſ er, ou bien, ainſi que diſoit l’autre,
tous preſt s à vẽdre, s’ils trouuoyẽt quelqu’vn
qui les vouluſt acheter.
Voyant que ie ne profitois de rien enuers eux,
ainſi comme nous tombions d’vn propos, à l’autre :
ie leur ay mis les iugemens de Dieu deuant
les yeux. Ie leur ay dit, que ce n’eſt pas le Iuif, qui
qui tue Ieſus Chriſt : car il attẽd ſon Meſsie. Que
ce n’eſt pas auſsi le Turc : que le Papiſt e ne tue nõ
plus(par maniere de dire) Iefus Chrift en ſes mẽbres :
Il penſe (comme dit l’Eſcriture) faire vn ſacrifice
à Dieu, en ce faiſant : qu’il n’y a perſonne
qui tue plus veritablement Ieſus Chriſt en ſes
membres, que les Rois, Princes, Potentats, & peuples,
qui cognoiſſ ent Ieſus Chriſt , qui l’ont receu :
& laiſſ ant neant moins à leurs portes, & comme
en leur preſence, maſſ acrer leurs freres, combourgeois,
& concitoyens, ſans leur donner aucune aide
ne ſecours.
En ſomme, l’amy, ie t’aſſ eure, que ie n’ay, Dieu
mercy, rien laiſſ é à dire, de ce que i’ay eſt imé pouuoir
ſeruir, à promouuoir vne ſi bonne cauſe.
Pour tout cela, comme ſi le fait ne les euſt en rien
touché, pas vn d’eux n’a fait ſemblant de vouloir
donner vn brin d’aide. Bien ont-ils confeſſ é chacun
à ſon tour, que l’act e eſt oit treſ-inhumain : la
trahiſon treſ-deteſt able : Charles de Valois, &
tout ſon Cõſeil, le plus deſloyal de la terre : qu’ils