riographe diligẽt & ſoigneux, & plein d’autres bõnes parties fut auſsi detenu, & tous enſemble ſi
bien traitez en leur priſon, quoy qu’ils fuſſent innocens
du fait, que le mieux traité d’entre eux, a
bonne occaſion de s’en ſouuenir.
Ce trait, fut cauſe que le comte de Montgomery
alla plus tard d’vn mois, au ſecours de la Rochelle,
& plus foible de ces vingts nauires, & du
nauire Biſcayn, que la Royne auoit promis, qui
n’y oſa aller, de peur qu’on n’uſaſt de reuẽche ſur
ſon equippage : & fut ce vol cauſe en partie, que
la Rochelle ne fuſt point ſecourue, par l’armee du
comte de Montgomery : lequel peu de temps apres,
ayant ſinglé vers la Rochelle, à la veue, &
port de canon des nauires, & galeres, & des forts
de l’ẽnemy, qui tenoit le Canal, & entree de mer
de la Rochelle gardez, apres luy auoir prefenté la
bataille, ſe voyant à ſon auis foible, s’eſtonna :
l’ennemy le voyant marchander l’abbord, au lieu
qu’à la premiere veue, ſon armee de mer, & de terre
s’eſtoit (comme on dit) esbranlee, commença
à ſe raſſeurer, & à ſe renforcer par mer, faiſant embarquer
dans ſes nauires, à la veue de celles du
Comte, enuiron de mille harquebouziers, qui fut
cauſe, que le lendemain, le comte de Mõtgomery
apres s’eſtre preſenté au meſme lieu en bataille,
n’eſtant ſuyui que d’vne partie de ſon armee, rebroſſa
ſon chemin vers Belle-iſle, qui eſt ſur la coſte
de Bretaigne, print le chaſteau, & l'iſle d’emblee,
& là ſeiourna quelques iours. Vn des parens
du comte de Rets, qui eſtoit Capitaine du chaſteau
de Belle-iſle y fut fait prifõnier, & ainfi pris,
