Pere auec deffẽſes menaces. Ieſus Chriſt leur
a reſiſt é en l’annonceant. Et quoy que nous puiſſions
dire qu’en la maiſon du Pere Eternel il a eſt é
eſt & ſera à iamais fils Eternel de Dieu : toutefois
ſelon la diſpenſation du temps d’alors, ſa
condition & la police, il eſt oit comme perſonne
priuee : & toutefois n’a il point obey.
Les Apoſt res ayans receu commandement de
ſe taire, & ne point annoncer Ieſus Chriſt , n’auoyent
garde d’y obeir.
Il ne ſeroit pas ſi toſt fait ſi ie voulois reciter
par le menu le nõbre des teſmoings qui ont ſouffert
perſecution, pour n’auoir voulu obeir aux edict s
des Rois, Empereurs & autres Magiſt rats,
auſquels tant s’en faut que nous ſoyons tenus d’obeir,
lors qu’ils commandent choſes prophanes
ou iniques : qu’au contraire comme nous pouuõs
recueillir des exemples alleguez nous ne ſatisfaiſons
iamais à noſt re deuoir, ſi en deſobeiſſ ant d’ũ
coſt é, à tels Magiſt rats, nous n’obeiſſ ons de l'autre
aux edict s & commandemens du Dieu ſouuerain,
chacun de nous ſelon ſa vocation : vocation
dis ie generale ou particuliere : generale par laquelle
vn chacun eſt appellé à pratiquer la charité
enuers ſes prochains : particuliere ſelon l’eſt at
& office auquel vn chacun eſt appellé.
Les ſages femmes donques Egyptiennes ont
fort vertueuſemẽt fait en n’obeiſſ ant point à Pharao,
& en s’acquittant de leur vocation particuliere
ont de tout point accomply leur deuoir, conſeruant
les enfans que l’edict du tyran auoit deſti-