met le bouclier au deuant, & cela fait, elle eſt reſolue.
Chacun ſcait, que quelques mois auãt ces troubles
derniers, les François de la religion monſt rerent
bien qu’ils ſe fioyent merueilleuſement en la
parole de celuy qu’ils cuidoyent eſt re bon Roy,
quand ils remirent volontiers entre ſes mains,
long temps auant le terme, les villes qu’il leur auoit
baillees pour s’y couurir cõtre les coups des
ennemis publiques de la paix.
Ceſt e fiance, ne pouuoit eſt re ſans grande amour :
ne ceſt e amour, ſans fort prompte obeiſſance.
Ils eſt oyent tous paiſibles, & auoyent tellement
effacé de leur eſprit toute ſouuenance de
guerre, qu’à peine ſe ſouuenoyent-ils où eſt oyẽt
leurs armes.
Le 24. d’Aouſt par le malheureux Conſeil des
perfides, proietté de plus longue main, ſous l’appaſt
de banquets & nopces, les principaux d’entre
eux furent meurtris dans le palais Royal, &
dans la capitalle ville du Royaume : ce maſſ acre
fut ſuyui preſque par toutes les autres principales
villes, contre la volonté du roy Charles neufieme,
(s’il faut croire à ſes premières letres de declaration)
nonobſt ant que les officiers de ſa Couronne,
ſes autres ſatellites, courtiſans, & archers,
& les gouuerneurs des prouinces (comme chacun
ſcait) commençaſſ ent la tuerie, & que les parlemens,
& ſieges Royaux y tinſſ ent la main : & que
les maiſons de ville fiſſ ent, ou aidaſſ ent l’execution :
tellement qu’en l’eſpace de quelques iours,
tous ceux de la Religion qui ſe retrouuerent és