ſon enuie & meſchante nature.
Le pol. Il vaut beaucoup mieux, vrayement auſsi
nos gens en ſont bien là logez.
Quant aux 11 & 24 articles, nos freres cognoiſſans
de quelle importance ils ſont, n’ont garde de
faillir à les obſeruer, ains en ſont du tout reſolus.
Ils ſcauent qu’aux guerres paſſ ees ceux des ennemis
auſquels ils donnoyent la vie, ceux qu’ils prenoyent à
mercy les laiſſ ant aller bagues ſauues,
comme il eſt aduenu ſouuent, le lendemain ou
l’autre apres, au lieu de leur ſcauoir bon gré de la
vie qu’on leur laiſſ oit venoyent pour rauir la leur
ſe monſt rans plus cruels & rudes qu’ils n’auoyent
eſt é parauant. Ainſi donc que les brigands s’aſſeurent
de n’en auoir pas bon marché, ſi Dieu les
baille entre les mains de quelcun de nos gallans
hommes, ils ſont reſolus, ne te chaille.
L’hi. Voire mais. Les ennemis en pourront faire
autant aux noſt res.
Le pol. Tu dis vray s’ils leur tombent entre les
mains. Mais auſsi que penſerois tu, que toſt ou
tard ils veullent faire ſi nous leur venons entre les
mains, quoy qu’ils nous promiſſ ent la vie, ſi ce
n’eſt de tuer, empoiſonner, faire mourir ou nous
forcer, que ie repute beaucoup pire ?
Or ceſt e reſolution de nos freres de ne prẽdre
à mercy aucun des ennemis ſeditieux & armez fera
trembler nos ennemis, qui nous aſſ aillent & offenſent
contre leur cõſcience & contre tout droit
d’humanité pour complaire au deſir du tyran, fera
dis-ie reboucher leur fer à la premiere goutte
de ſang qu’ils ſentiront couler de leurs corps eux