froyons aucunement pour le deſſein des hommes
qui ont iniuſtement deliberé de nous mettre
tous à mort auec nos femmes & enfans, ſoyons
pluſtoſt aſſeurez, que ſi le Seigneur a ordonné
de nous deliurer tous, ou aucuns de nous
que nul ne luy pourra reſiſter, s’il luy plaiſt que
nous mourions tous, ne craignons point.
Car il a pleu à noſtre Pere, nous donner vne
autre habitation, qui eſt le Royaume celeſte,
auquel il n’y a point de mutation, poureté, miſere,
larmes, pleurs, dueil, ou triſteſſe, ains felicité
& beatitude eternelle.
Il vaut beaucoup mieux eſtre logez auec le poure
Lazare au ſein d’Abraham, qu’auec le mauuais
riche, auec Cain, auec Saul, auec Herode, ou
auec Iudas en enfer.
Cependant il nous faut boire du breuuage
que le Seigneur nous a preparé vn chacun ſelon
ſa portion.
Il ne faut pas que nous ayons hõte de la croix
de Chriſt, ny regret de boire du fiel duquel il a
eſté le premier abbreuué : ſachans que noſtre
triſteſſe ſera tournée en ioye, & que nous rirons
à noſtre tour, quand les meſchans pleureront, &
grinceront les dens.
Par telles & ſemblables paroles, les paſteurs
ſollicitans iournellement le peuple, de ſe preparer
à receuoir totu ce qu’il plairoit à Dieu
leur enuoyer, les enſeignoyent & entretenoyent
de plus en plus en tout deuoir & bon office de
pieté & crainte de Dieu. Lors que contre toute
eſperance, Dieu citant par maniere de dire, com-
