entendre comment ce peut eſt re que les Polonois
ayent ſeruy à faire deliurer les Sancerrois.
Le pol. Ie te diray comment. Les Polonois apres
la mort de leur Roy Sigiſmond dernier decedé
ſollicitez par l’Eueſque de Valence, & le
ieune Lanſac, leſquels comme tu ſcay, leur furent
enuoyez en ambaſſ ade, d’elire à leur Royaume
vaquant, le Duc d’Aniou apres quelques
remiſes, ne firent que bien peu, ou point de difficulté
d’en faire elect ion pour des conſiderations
particulieres, reuenans comme il leur ſembloit
au bien de leur eſt at.
Mais ayans toſt apres entendu les nouuelles
des trahiſons de ceux de Valoys & des maſſ acres
qu’ils auoyent fait faire en la France ſur les
fideles, indignez extremement contre ceſt e maiſon,
ils furent bien fort marris, d’auoir fait vn ſi
meſchant choix, & n’euſſ ent pour rien voulu auoir
eleu d’vne ſi trayſt reſſ e race, homme qui
leur deuſt commander, craignant qu’il ne leur
miſt vn iour leur Patrie en pareille combuſt ion
que la France. Tellement que volontiers ſe fuſſ ent
departis de ceſt e elect ion, pour proceder à
Elect ion nouuelle, n’euſt eſt é que deſia, ils auoyent
irrité tous les autres competiteurs, qui pretendyent
de paruenir au Royaume de Pologne,
en ce principalemẽt qu’ils les auoyent poſt poſez
au Duc d’Aniou. Contrains donques & forcez
de s’y tenir, d’autant meſme que le Turc allié de
la maiſon de Valoys les en ſollicitoit auec des
conditions auantageuſes pour la Pologne.