Ceux de la nobleſſe & des autres eſtats de
Pologne faiſans profeſſion de meſme religion
que nous (leſquels à ce que i’entens ſont en bien
fort grãd nombre & des principaux du pays) eſtimans
que le faict de France attouchoit de pres
à leur eſtat & affaires, tant pour la pieté & crainte
de Dieu, que pour la charité & compaſſion de
nos freres affligez & le meſme danger auquel ils
pourroyẽt tomber : voulans eſprouuer le traitement
quais pourroyent attendre d’vn eſtranger
par celuy qui ſeroit fait aux naturels ſubiets en
pareil cas, deuant que bien aſſeurer & raffermir,
l’election du Duc d’Aniou, entrerẽt en conference
& negotiatiõ nouuelle auec l’Eueſque & Lanſac,
deſquels entre autres choſes le 4 de May 1573.
ils obtindrẽt par promeſſe ſolenelle iuree & ſignee
de leurs mains au nõ de leur maiſtre le tyrã,
Que pour remettre la paix en France, le tyran
aboliroit tout ce qui a eſté fait durãt les guerres
ciuiles, que les fideles François pourroyent habiter
par toute la France ſans eſtre recerchez en
leur conſciẽce, ni contraints d’aſſiſter aux ſeruice
de la Papauté Que ceux qui ſe voudroyent retirer
hors de la France pourroyent vendre leurs
biens, ou iouyr de leurs renenus en terres qui ne
ſont ennemies de la Frãce. Que les heritiers des
meurtris ſeroyent remis en leur bon nom & honneur
nonobſtant tous edicts & arreſts. Que les
eſtats des defuncts qui auroyent eſté vendus, ſeroyent
rembourſez en deniers à leurs heritiers.
Que les foruſcis pour la religion pourroyent
r’entrer en leurs biens & honneurs, & habiter
