Le texte de cette page a été corrigé et est conforme au fac-similé.
36
I. LIVRE
Epode.
» Autour de la vie humaine
» Maint orage va volant,
» Qui ores le bien ameine,
» Ores le mal violant.
» La rouë de la Fortune
» Ne ſe monſtre aux Rois toute vne,
» Et iamais nul ne ſe treuue
» Qui iuſqu'à la fin eſpreuue
» L'entiere felicité.
» Les hommes iournaliers meurent,
» Les Dieux ſeulement demeurent
» Francs de toute aduerſité.
AV SEIGNEVR DE
Carnaualet
ODE VII. Stroph. i.
A promeſſe ne veut pas,
Carnaualet, que là bas
Ton nom erre ſans honneur,
Ne ſans auoir cognoiſſance
Quelle force a la puiſſance
Du vers dont ie ſuis donneur.
Muſes, filles du grand Dieu,
Par qui la foudre eſt lancée,
Venez chanter en quel lieu
Ie l'ay peint en ma penſée.
