Le texte de cette page a été corrigé et est conforme au fac-similé.
88
DE MONSEIGNEUR ANSEAU DE L’ISLE.
Quar la mort, qui les bons esmonde,
Par qui larguesce est esmondée,
A or pris l’un des bons du monde.
Las ! com ci a male estondée !
De France a osté une esponde[1] :
De cele part est afondée[2].
Avoec les sainz soit mise en sele[3]
L’âme de mon seignor Ansel,
Car Diex, qui ses amis ensèle,
L’a trové et fin[4] et féel ;
Mès la mort, qui les bons flaèle[5],
A aporté félon flael ;
A l’Isle fors lettres saèle :
Osté en a le fort séel.
Je di fortune est non voianz,
Je di fortune ne voit goute,
Ou en son sens est desvoianz ;
Les uns atret, les autres boute.
Li povres hom, li meschéanz
Monte si haut chascuns le doute ;
Li vaillanz hom devient noianz :
Issi va sa manière toute.
Tost est uns hom enson[6] la roe :
