Assez voi souvent maint ribaut
Qui de parler se font si baut,
Que ge en ai au cuer grant ire ;
Et tu, bordons, que sés-tu dire
Qui por menesterel te contes ?
Sés-tu ne beax diz, ne beax contes,
Pourquoi tu doies riens conquerre ?
De quoi sers-tu aval la terre ?
Ce me devroies-tu retraire.
Ge te dirai que je sai faire :
Ge suis juglères de viele,
Si sai de muse et de frestele[1],
Et de harpe et de chifonie[2],
De la gigue, de l’armonie,
De l’ salteire, et en la rote
Sai-ge bien chanter une note ;
Bien sai jouer de l’escanbot
Et faire venir l’escharbot[3]
Vif et saillant desus la table,
Et si sai meint beau geu de table,
Et d’antregiet et d’arrumaire[4] ;
Bien sai un enchantement faire.
Ge sai moult plus que l’on ne cuide,
Quant g’i veuil mestre mon estuide,
Et lire et chanter de clergie,
Et parler de chevalerie,
Et les prudhomes raviser,
Et lor armes bien deviser.
Ge connois monseignor Hunaut
Et monseignor Erraut
Qui porte un escu a quartiers :
Tosjors est-il sains et entiers ;
- ↑ Frestele, flûte de Pan.
- ↑ Chifonie, Cyfoine, Symphonie, espèce d’instrument à vent, ou plutôt de tambour percé dans le milieu comme un crible, et qu’on frappait des deux côtés avec des baguettes. « Il paraît, dit Legrand d’Aussy, par une anecdote de la Vie de Duguesclin, que cet instrument n’était pas en grande considération, ou du moins qu’au 14e siècle il était tombé dans le mépris. Le roi de Portugal, dit l’histoire de Duguesclin, avait deux ménétriers qu’il estimait et vantait beaucoup. Il les fit venir et ils jouèrent de la cyfoine ; mais le chevalier Mathieu de Gournai, qui était là, se moqua d’eux en disant que ces instruments, en France et en Normandie, n’étaient qu’à l’usage des mendiants et des aveugles, et qu’on les y appelait instruments truands. »
- ↑ L’escharbot, le diable.
- ↑ Antregiet et arrumaire, tours de passe-passe et magie.
