Hé, las ! cil n’auront jà ne repos ne séjor,
Ainz ardront toute jor en feu et en tristor.
La penssée qu’il ont lor fet paine greignor,
Qu’il sèvent bien que c’est sanz fin et sanz retor.
Cil qui les granz richeces et les granz biens maintienent
Et qui à penitance ne à merci ne vienent,
Cil ne sont pas fil Dieu, ne ne li apartienent ;
Tant les sousprent péchiez que mescreant devienent.
Bien ont perdu tel bougre lor cuer et lor espoir ;
Bien perdent âme et cors et destornent lor oir ;
Bien i pert que déables a sur els grant pooir
Quant il en prent les âmes et les cors fet ardoir.
Itel mérite trueve qui à tel seignor sert ;
Cil a bien tout perdu qui l’âme et le cors pert.
Bien nos éust déables feru à descouvert
Se Diex n’éust sor terre tramis frère Robert[1].
Li bougres, li parfez, icil qui riens ne croit
Ne cuide pas qu’enfers ne que paradis soit,
Ne qu’il ait âme et cors por ce qu’il ne l’ sentoit,
Ainz pensse li parfont que pechiez le deçoit.
Comment fet soi li bougres puet estre vérité,
Quar li clerc nos racontent en lor divinité[2]
Quant l’âme est espenie et el vient devant Dé,
Dient qu’ele est plus bele que li cors n’ait esté.
« Je ne l’ poroie croire, dist li bougres parfet,
Ce qu’Escripture dist ne que clergie retret :
D’une vielle bocue et d’un vilain contret,
Comment ert l’âme bele quant li cors est si let ? »
Si fete gent sont bien mescréant à véue :
Dient qu’âme de cors ne change ne ne mue ;
Mès n’est hom si contrais ne vielle si boçue
Dont l’âme ne soit bele puis qu’ele est absolue.
Page:Rutebeuf - Oeuvres complètes, recueillies par Jubinal, tome I, 1839.djvu/434
Le texte de cette page a été corrigé et est conforme au fac-similé.
402
NOTES
