Ne sai où vont ne qu’il devienent ;
Jà puis un seul n’en reverrai.
Jà crestien mès ne crerai
Se n’en ai lestres ou séel ;
Ne me tenront mès por chael. »
Théophilus li desvoiez,
Com cil qui toz est forvoiez,
As piez li chiet isnelement,
Si li bese moult humblement ;
Que qu’il a dit tot li otroie,
Et Dieu et sa mère renoie,
Et sacrement, foi et baptesme.
Por la chose estre ancor plus pesme,
Si com mes cuers le me devine,
La nuit meesme que ç’avint
A l’esvesques tel voloir vint
Que durement se tormenta
Et durement se démenta[1]
Quant ot Téophillus esté[2]
Por nului de sa prevosté.
Moult l’en reprent sa conscience,
Por ce qu’il ert de grant science
Et de sainte vie et d’oneste.
La matinée, à moult grant feste,
Téophillus a moult tost mandé,
Prié li a et commandé
Qu’il repraingne sa seingnorie,
Par couvant qu’en toute sa vie
Jamès ne l’en couroucera,
Ne jamès chose ne fera
D’où li doie mal gré savoir :
De lui et de tout son avoir
Et de l’esveschié soit tout sire.
Tant par est liez, ne set que dire
Téophillus de ces nouvelles :
Moult li plesent et moult li sont beles.
Tant a fet et tant esploitié
Qu’il r’est plus sires la moitié
C’onques devant esté n’avoit.
Li Juis, qui assez savoit
Page:Rutebeuf - Oeuvres complètes, recueillies par Jubinal, tome II, 1839.djvu/291
Le texte de cette page a été corrigé et est conforme au fac-similé.
284
NOTES
