rouge, mais aussi de l’Acier, parmy les rochers, lequel estant fondu on en pourrait faire de tres-bons trenchans. Puis de certaines pierres bleues transparentes, lesquelles ne vallent moins que336||les Turquoises. Parmy ces rochers de Cuyvre se trouuent aussi quelques fois des petits rochers couuerts de Diamans y attachez : et peux dire en auoir amassé et recueilly moy-mesme vers nostre Convent de Canada, qui sembloient sortir de la main du Lapidaire, tant ils estaient beaux, luisans et bien taillez. Ie ne veux asseurer qu’ils soient fins, mais ils sont agreables, et escriuent sur le verre.
Chapitre V.
n an s’estant escoulé, et beaucoup de petites
choses qui nous faisoient besoin nous
manquans, il fut question de retourner en
nostre Conuent de Canada, pour en receuoir
et rapporter les choses necessaires. Nous consultasmes
donc par ensemble, et aduisasmes qu’il
falloit se seruir de la com-337||pagnie et conduite de
nos Hurons, qui deuoient en ce mesme temps descendre
à la traicte, et aller en Canada, pour en rapporter
nos petites necessitez. Car de leur donner et
confier à eux seuls cette commission, il n’y avoit au-