Grand Prince, & de qui la renommée m’a deſja tant dit de choſes. Comme ils en eſtoient là, on entendit un aſſez grand bruit de chevaux : & un inſtant apres la Princeſſe Palmis, Anaxilée, le Prince Atys, Arteſilas, Mexaris, Myrſile, & Cleandre arriverent : qui ſans ſonger d’abord à Abradate, ſe mirent apres eſtre deſcendus de cheval, à faire la guerre à la Princeſſe, d’avoir preferé la ſolitude à la Chaſſe : & de ne s’eſtre pas voulu trouver à la mort du Cerf. La Chaſſe que j’ay faite, leur repliqua t’elle en ſousriant, a eſté plus heureuſe que la voſtre : & je m’aſſure (adjouſta t’elle en preſentant Abradate au Prince Atys, & à la Princeſſe Palmis) que vous en tomberez d’accord, quand vous sçaurez que j’ay arreſté icy le Prince de la Suſiane, dont on vous a tant dit de choſes avantageuſes. Dans ce meſme temps, un Eſcuyer du Prince Atys, qui avoit eſté à Suſe, s’avança vers ſon Maiſtre, pour luy confirmer cette verité : ſi bien que recevant Abradate avec une joye extréme, tout le monde luy fit en ſuitte mille careſſes, & mille civilitez. j’advoüe (dit la Princeſſe Palmis à Panthée) que voſtre Chaſſe a eſté plus heureuſe que la noſtre, & que vous en meritez tout l’honneur. l’en ay du moins eu tout l’avantage, reprit Abradate, puis que cela eſt cauſe que je vous ay eſté preſenté par une main ſi belle & ſi illuſtre. Vous n’aviez pas beſoin d’un ſi puiſſant ſecours, repliqua la Princeſſe Palmis, pour vous rendre conſiderable : pour moy dit Panthée, j’avois bien beſoin du ſien : car ſans luy j’euſſe fait aujourd’huy une perte dont je ne me fuſſe jamais conſolée : & alors elle raconta l’avanture du Portrait à la Princeſſe Palmis.
Comme le lieu où elles eſtoient eſtoit fort agreable, elles y furent prés d’une heure : mais enfin
