vouloir m’obliger à ne la voir plus, & à arracher de mon cœur, une amour qu’il y a fait naiſtre, c’eſt ce que je ne puis, ny ne dois faire. D’autre part, me diſoit Beleſis, quand r’eſtois ſeul aveque luy, eſt il juſte, que parce que l’ay prié Hermogene de voir la Perſonne que l’aime, que ce ſoit luy qui me la dérobé ? ne sçait il pas, que dés la premiere fois qu’il me demanda la permiſſion de luy deſcouvrir mon inconſtance, je luy teſmoignay que je ne le pouvois ſoufrir : ne pouvoit il pas juger, que je ne pouvois ne le vouloir pas, que par un ſentiment d’amour, quoy que je ne le nommaſſe point ainſi ? Eſt on jaloux ſans avoir de l’affection pour ſi Perſonne pour qui l’on a de la jalouſie ? & Hermogene n’a t’il pas deû pluſtoſt croire que j’aimois deux Perſonnes à la fois, ſans que je le penſaſſe faire, que de penſer que je fuſſe jaloux de luy, ſans eſtre amoureux de Cleodore ? Et puis, me dit il, je ne luy demande rien d’injuſte, quand je luy propoſe de laiſſer juger noſtre different à Cleodore, pourveû qu’il ſouffre que je la voye & que je luy parle : car ſi apres cela elle le choiſit encore, je quitteray Suſe, & m’en iray en des lieux ſi eſloignez d’icy, & ſi cachez à la connoiſſance des hommes, que ny luy ny Cleodore, n’entendront jamais parler de moy. En ſuitte Beleſis ſe mettoit à exagerer ſon malheur ; apres, la colere s’emparoit de ſon eſprit ; & ſans ſe ſouvenir plus de l’amitié qu’il avoit pour Hermogene, il diſoit qu’il n’eſtoit point de reſolution qu’il ne fuſt capable de prendre pluſtoſt que de ſouffrir qu’il eſpouſast Cleodore Cependant le Prince de Suſe, ayant sçeu que Beleſis ne laiſſoit pas de ſortir de chez luy, en fut ſi irrité, que je fus adverty qu’il avoit deſſein de luy faire commander de ſe retirer. Je sçeus encore le meſme jour, que Tiſias
