Cette page n’a pas encore été corrigée
e du coin de l’oeil pour luy monstrer qu’il parloit à elle. Sa façon de danser estoit fort agreable, car outre qu’il faisoit des pas hors de cadance, il se balançoit d’un costé et d’autre, comme s’il eust eu les hanches desmises. Cependant la compagnie qui connoissoit son humeur, ne laissoit pas de confesser qu’elle estoit fort honoree de l’avoir, mais pour ne le point fatiguer, il n’y eut plus que les damoiselles qui chanterent depuis. L’heure de se retirer venuë la danse cessa, et par ce qu’il ne faisoit plus guere clair sur la montee, un laquais vint avec de la chandelle allumee pour reconduire le monde, mais le vent la souffla à moictié chemin, si bien que Lysis voyant que les dames
