Cette page n’a pas encore été corrigée
son, car nous sommes de petits roys. Mais pour venir à mon conte, le père et la mère de Louys estans morts, je fus esleu son curateur, comme son plus proche parent. Il avoit desja fait ses estudes au college de Navarre, et avoit cousté plus d’argent qu’il n’estoit gros. Son âge estoit de dixhuict ans ou environ, je luy dy qu’il estoit temps qu’il songeast à la voye qu’il vouloit tenir ; que l’on ne l’avoit pas fait instruire pour estre fayneant, et qu’il estoit assez âgé pour choisir une condition. Afin de l’esprouver je m’enquis s’il vouloit estre drapier comme moy, mais m’ayant respondu qu’il aspiroit à quelque chose de plus noble, je ne luy en sçeut pas mauvais gré. Je le pris en pension chez moy, et l’envoiay
