Cette page n’a pas encore été corrigée
pour moy ? Il parlera pour l’innocence mesme. En disant cecy Amarylle se tourna de tous costez, mais elle ne vid personne qui s’offrist à la deffendre. Elle n’avoit point aussi de tesmoins pour prouver comme elle avoit tousjours resisté aux caresses de Marcel, et au contraire, c’estoit luy qui en avoit pour parler contre elle. Tous les serviteurs venoient dire qu’ils l’avoient veu regarder ce garçon avec des yeux fort lascifs, et il n’y eut pas jusqu’à Charite qui ne vinst jurer qu’elle l’avoit ouy souspirer devant luy. Ce fut là le surcroist de son mal ; elle n’osoit contredire à ceste belle Charite, et elle se contentoit de dire en soy mesme, qu’elle s’estonnoit de voir que la maistresse de Lysis, voulust
