Cette page n’a pas encore été corrigée
parler contre Amarylle, qui avoit quelque traits de visage semblables à ceux de ce berger. Comme elle estoit en cette pensee, et qu’elle n’osoit plus rien dire, Leonor ayant fait semblant de consulter avec sa sœur et sa fille, parla de cette sorte. Les plaintes de Marcel et de son maistre estans ouyes sur ce qu’ils asseurent qu’Amarylle a corrompu ce jeune homme, et à forfait contre son honneur, et cette fille nous ayant tousjours nié cecy, nous ordonnons qu’elle sera mise à l’espreuve de la chasteté, avant que de proceder plus outre, ainsi qu’il est accoustumé en cette contree. Amarylle fut fort contente de ce jugement, et l’on dit aussi tost
