s’enquit où estoit son maistre. Il respondit qu’il estoit malade, et qu’il s’estoit allé faire purger, si bien que Clarimond s’en alla le voir, et luy demanda quel mal il avoit. Il me semble que je sens en mon estomach quelques cruditez extraordinaires, dit Lysis, c’est qu’il ne se peut qu’il ne me soit encore demeuré quelques restes de la nature d’arbre : je me veux delivrer de tous ces empeschemens, afin que ma digestion soit libre. J’ay possible encore quelque partie en moy qui est de bois, et n’a pas bien pris la mollesse de la chair. Ne vous imaginez point cela, dit Clarimond, Hircan est si sçavant qu’il vous a remis en vostre premier estat. Vous vous portez mieux que vous ne fistes jamais. Avant que de prendre medecine, vous deviez considerer
