tout d’un coup hors de la crotte. Ses yeux ont un feu si ardent, qu’un jour regardant au travers de ses vitres, tout le plomb se fondit, et les losanges tomberent à terre. De là elle jetta ses rayons sur une gouttiere qui estoit à l’oposite, et le plomb s’estant fondu aussi, tomba sur un gentilhomme qui passoit et luy entra dans la teste, en quoy si elle luy aporta du profit, ce fut qu’au lieu qu’auparavant il avoit la cervelle legere, il l’eut depuis fort pesante. Voyla les qualitez estranges que possede Rhodogine, lesquelles elle pourroit à la verité tourner en bien, mais elle en abuse incessamment, et quand j’ay voulu l’aller voir, il a falu me tenir tousjours prest à fuyr de peur d’estre enprisonné, et me frotter auparavant de blanc d’œuf et d’eau de guy mauve, craignant d’estre bruslé
