Cette page n’a pas encore été corrigée
de Charite me faisoit tenir fort contre tous les mauvais desirs qui me pouvoient assaillir. Quand à Carmelin, pource qu’il est fort inconstant, j’empeschois le plus qu’il m’estoit possible, qu’il ne luy fist rien, et je pense que j’y travaillois si bien qu’elle n’a pas sujet de se plaindre. Elle vous dira comme je la fis mettre au derriere, et Carmelin au devant, et comme je me mis à la portiere afin de les pouvoir separer. Lysis ayant finy là son discours, il n’y eut personne qui n’avoüast en soy mesme que sa narration estoit excellente, et qu’encore que l’on sçeust la pluspart des accidens de son avanture, il la descrivoit avec tant de naiveté, qu’il y adjoustoit plus de grace que l’on ne s’en
