auec plusieurs mõtagnes, et habitée d’un peuple assez inhumain, pour n’estre encores reduit. Saint Iaques du port vieux. Ceste prouince passée, se trouue celle que les Espagnols ont nommée Saint Iaques du port vieux, commençant à un degré de la ligne equinoctiale. Taxamilca. La quatrieme, qu’ils appellent en leur langue Taxamilca, se confine à la gràd ville de Tongille, laquelle apres l’empoisonnement de leur Roy, nommé Atabalyba, Pizare voyant la fertilité du païs la fist bastir et fortifier quelque ville et chasteau. Cuzco. Il y en a un autre nommé Cuzco[1], en laquelle ont longtemps regné les Inges, ainsi nommez qui ont esté puissans Seigneurs : et signifie ce mot Inges autant comme Roys. Royaume des Inges. Et estoit leur royaume et dition si ample en ce temps là, qu’elle contenoit plus de mille lieues d’un bout à autre. Aussi a esté nommé ce païs de la principale ville, ainsi nommée comme Rhodes, Metellin, Candie, et autres païs prenans le nom des villes plus renommées, comme nous auons deuant dit. Et diray dauantage qu’un Espagnol ayant demeuré quelque temps en ce païs, m’a affermé estant quelquefois au cap de Fine terre en Espagne, qu’en ceste côtrée du Cuzco, se trouue un peuple qui a les oreilles pendantes[2] iusques sur
- ↑ Les Inges sont les Incas. Cuzco a été décrit par Prescott. Histoire de la conquête du Pérou, i, 1.
- ↑ Il se trouve, en effet, dans le Pérou, des tribus à demi sauvages qui ont encore conservé l’habitude de se défigurer par une prodigieuse extension des oreilles. Voir Marcoy. Du Pacifique à l’Atlantique (Tour du Monde. no 272). — H. Staden. Ouv. cité. P. 270. — Léry. § viii. « Il semble à les voir un peu de loin que ce soient oreilles de limiers qui leur pendent de costé et d’autre. »
