feu, et fut conuerty en cendres. Pour ceste mesme cause les Romains auoient edifié un tèple excellêt à Hercules pres le Tibre, et là luy faisoyent sacrifices et oraisons. Trêblement de terre en Canada fort violent. Or le trêblement en Canada est quelquefois si violet, qu’ê cinq ou six lieues de leurs maisons dedâs le païs, il se trouuera plus de deux mil arbres, aucunefois plus quelquefois moins, tôbez par terre tât en môtagnes que plat païs, rochers rêuersez les uns sur les autres, terres enfoncées et abismées : et tout cela ne prouiêt d’ailleurs que de ce mouuemêt et agitation de la terre. Autât en peut il auenir es autres côtrées subiettes aux trêblemês de terre. Voila du trêblemêt de terre, sans plus elôgner de nostre route.
CHAPITRE LXXXII.
Apres estre departis de la hauteur du goulfe de Canada, fut question de passer outre, tirant nostre droit chemin au Nort, delaissans la terre de Labrador, Isles des Diables. Cap de Marco. et les isles qu’ils appellent des
