de feuillages et de rameaux, elles y en trouverent un tout en bois, assez petit toutesfois, mais beaucoup plus long que large. L’enclos n’estoit que de clayes avec plusieurs fenestres, faites, à ce qu’il sembloit, expressement, non seulement pour donner jour à l’autel qui estoit à l’un des bouts, mais aussi, afin que ceux qui estoient dehors pussent plus aisément voir tout ce qui estoit dedans. Ce changement à la verité au commencement les estonna, et toutesfois enfin, voyant les portes du temple closes, elles prirent resolution d’y heurter pour en apprendre des nouvelles asseurées. Elles monterent donc huict ou dix degrez qui estoient au devant du temple, et lors qu’elles furent sur le replein, elles virent par les fenestres qui estoient aux deux costez de la porte, un autel à l’autre bout du temple, et au devant, sur un petit marche-pied, un homme qui estoit en oraison, [20/21] qu’elles ne purent si tost recognoistre, parce qu’il avoit le dos tourné de leur costé.
Mais, d’autant que cette machine estoit petite, et que celuy qui estoit en prieres releva sa voix, elles ouyrent qu’il disoit: S’il est ainsi, ô puissante et redoutable deité, je t’en demande un signe. Et ayant redit par trois fois ces mesmes paroles fort haut, elles virent qu’à la derniere fois, le feu se prit de luy mesme sur l’autel, avec la mesme promptitude qu’il souloit faire autrefois; qui donna cognoissance aux deux nymphes que c’estoit ce mesme abuseur qu’elles alloient cherchant, Et elles ne se trompoient nullement, car les ayant apperceues de loing, il
