Tout ce qu’elle ayme et qu’elle honore.
Soit aussi de luy bien aymé.
Dixiesme Table.
Qu’il ne tienne pas pour perdus,
Les jours loin d’elle despendus,
Si la peine n’est surpassé
Par le bien qu’il s’est figuré,
Mais se contente en sa pensée,
Si le corps en est separé.
Unziesme Table.
Qu’il se remette à la raison,
Que ses liens et sa prison
Pour elle bien-tost il finisse :
Mesprisant de s’y renfermer,
S’il n’attend rien de son service
Que le vain honneur de l’aymer.
Douziesme Table.
Qu’il ne puisse jamais penser
Que telle amour n’ait à passer :
Qui d’autre sorte le conseille,
Soit pour ennemy reputé,
Car c’est de luy prester l’oreille
Crime de leze Majesté.
Hylas se hasta le plus qu’il luy fut possible de changer de ceste sorte ces douze tables, et afin que ses rayeures fussent moins cognues, il les
