Hormis celle d’une ame pure.
Il faict ce qu’il veut de son corps :
Le dedans combat le dehors.
C’est luy sans que ce soit luy-mesme ;
Enfin, c’est un bouffon supresme.
Sans masque il est tousjours masqué ;
Turlupin n’a point pratiqué
Tant de tours ny tant de souplesses,
Tant de fourbes ny tant d’adresses,
Que ce protecteur des bouffons,
Ce grand Mæcenas des fripons.
Il faict bien chaque personnage,
Fors celuy d’un ministre sage.
Il imite bien les tyrans
Et les ministres ignorans.
Ce charlatan, sur son theatre,
Croit voir tout le monde idolatre
De ses discours, de ses leçons,
De ses pièces, de ses chansons.
On souffriroit ses comedies,
Quoi que foibles et peu hardies,
Si des tragiques mouvemens
N’en troubloient les contentemens ;
S’il n’avoit affoibli la France,
En destruisant son abondance,
En augmentant tous les impots,
En multipliant tous les maux,
En tirant le sang des provinces,
En persecutant les grands princes,
En outrageant les potentats,
En leur usurpant leurs estats,
En formant une longue guerre,
Page:Variétés Tome IX.djvu/15
Cette page a été validée par deux contributeurs.
