Toutes ces citez et ces regions devant nomées estoient à li obeissanz et à son commandement ; aucunes des citez conquist sanz bataille et aucunes par grant engin et par grant bataille ; mès la cité de Luiserne[1], qui siet en un val qui a non Vauvert, ne pot-il prendre jusques au darrenier ; car cele cité estoit trop forz et trop bien garnie. A la parfin, l’aseja et sist entor iiii mois ; mès quant il vit que il ne la porroit prendre par force, il fist sa proiere à Nostre Seigneur et à monseigneur saint Jaque[2]. Lors chairent li mur et demora sanz habiteor, et une grant iaue, ausi come uns estans, leva enmi la cité, noire et horrible ; si noient[3] dedenz grant poisson tuit noir, qui jusques aujord’ui sont veu noer parmi cel estanc.
Aucun des anciens rois de France et aucun des empereor de Rome pristrent aucune foiz plusors de ces citez devant nomées, si come Clodovées, li premiers rois crestiens, Clothaires, Dagoberz, Pepins, Challes Martiaus. Cist conquistrent Espagne en partie et en partie la lessierent ; mès cit Karlemaines li granz la conquist toute entierement en son tens et la fist obeir a ses commandemenz. iiii citez i out que il maudist quant il les ot conquises par grant travail ; si sont maudites et sanz
- ↑ Cf. sur la prise de cette ville, Gaston Paris, Histoire poétique de Charlemagne, p. 269 et 270. Voir surtout, pour l’identification de cette ville, Joseph Bédier, les Légendes épiques, t. III, p. 152 à 166. Il place Luiserne ou Ventosa, dans la province de Léon, près du lac de Carucedo, à l’ouest de Ponferrada, sur le territoire de l’abbaye de Carracedo, en un lieu où se trouvent des ruines romaines.
- ↑ « Que il la preist par leur volonté » (royal ms. 16 G VI).
- ↑ Noient, nagent.
