ne ainques li rois ne se combati contre eus en champ de bataille que ii foiz ; la premiere si fu delez une montagne qui est apelée Osneggy[1], en un lieu qui a nom Theotmelli[2], et la seconde si fu sor le flueve de Hasa[3]. Ces ii batailles furent en un maismes mois, et assez tost l’une après l’autre[4]. En ces ii batailles furent si durement desconfit que nus ne fu ainques puis qui osast guerre movoir ne contrester à sa venu ; se ne furent aucun qui se fioient es fortereces d’aucuns lieus. En ces ii devant dites batailles furent occis des plus granz et des plus nobles des Saines et des François. Ou xxxiii an de son regne fu cele guerre fenie.
Si n’avoient pas li François aus Saines tant seulement guerre, ainz lor sorstrent plusors batailles et granz en diverses parties du monde en un maisme tens, qui, par la diligence et par le grant cuer du roi, furent si bien et si sagement amenistrées, que l’on se doute lequel fait plus à merveillier, ou la bone fins et la glorieuse fortune, ou li sens et la pacience du roi. Car ceste bataille commença ii anz devant cele de Lombardie, et fu toz jors maintenue sanz cesser ; et les autres, qui en divers lieus estoient sorses, refurent amenistrées sanz entrelassier. Si sages et de si noble cuer estoit li rois que il n’eschiva ainques travail, ne ne douta perill
- ↑ Osneggy, auj. l’Osning, partie du Teutoburger-Wald, qui s’étend sur les cercles de Bielefeld et de Halle (Allemagne, district de Minden).
- ↑ Theotmelli, auj. Detmold, sur la Werra (Allemagne), capitale de la principauté de Lippe.
- ↑ Hasa, auj. la Hase, rivière d’Allemagne (Hanovre), affluent de l’Ems, sort du Teutoburger-Wald.
- ↑ Ces deux batailles durent être livrées vers le mois de juin 783 (Annales d’Éginhard, année 783).
