non Hyresburc[1] ; là trova une des ydoles des Saines qu’il apeloient Yrmensule[2], depecier et ardoir la fist li rois ; si demora illuec par iii jors ; mais come li oz demoroit là, li ru et les fontaines assechierent pour l’asprece[3] du tens. Si estoit toz li oz, homes et bestes à grant destrece que il ne trovoient que bouire ; moult soffroient grant mesaise de soif quant Nostres Sires les visita qui pas ne voloit que ses poples fust plus longuement à tel meschief. Car li avint que quant il se reposoient en droit l’eure de miedi en lor tentes, Nostres Sires lor envoia iaues noveles, par le conduit d’un ruissel[4] qui estoit delez les herberges au pié d’une montaigne, en si très grant plenté que les souffirent aus homes et aus bestes de tot l’ost. Après la destruction de ces ydoles, s’en parti li rois et li oz de ce lieu et vint au flueve de Wisare[5]. Là vindrent à li li Saine et li livrerent xii ostages. Après retorna en France et
- ↑ Hyresburc, auj. Marsberg (auparavant Stadtberg), qui comprend Odermarsberg et Niedermarsberg, Allemagne, prov. de Westphalie, district d’Arnsberg, cercle de Brilon. Cf. Halphen, op. cit., p. 147, note 3.
- ↑ Sur cette idole d’Irmensul, suivant les uns, symbole du dieu de la guerre ; suivant d’autres, élevée en l’honneur d’Arminius, le vainqueur de Varus, voir la note placée par Teulet à la fin du t. I des Œuvres d’Éginhard, p. 403 et 404, et surtout les travaux qu’il indique à la suite de cette note. Cf. Regesta imperii, éd. Mühlbacher, t. I, p. 61, et Halphen, op. cit., p. 147, note 4.
- ↑ L’aspresce, la rigueur « propter continuam cœli serenitatem » (Éginhard).
- ↑ Éginhard a voulu désigner un torrent situé près du bourg d’Oldenbeke, non loin des sources de la Lippe, et sans doute aussi la fontaine intermittente du Bullerborn. Voir la note de Pertz dans Monumenta Germaniæ historica, Scriptores, t. I, p. 151.
- ↑ Wisare, le Weser.
