tion contre lui, fu-il ostez de son estat et de l’oneur ou il estoit, et li empereres envoia Pepin à Treves, en prison, pour lui chastoier de ses mauveses mors. Quant il fu là menez, cil qui garder le devoient li firent si grant lasche, ou apenseement, ou par negligence, que il s’en eschapa par nuit. Par le païs s’en ala cele part que il vot, si ne retorna pas en Aquitaine jusques atant que il sout que li peres s’en fu partiz.
En ce point vot metre li empereres bonnes et devises entre le roiaume Lothaire et le [roiaume] Challe, son mainné fil ; mais la besogne ne fu pas parfaite pour aucuns enpeechemenz dont nous parlerons ci après.
Entor la feste Saint Martin[1], fist querre Pepin son fil et li manda que il venist à lui. Mais cil se defuioit, ne pas ne voloit aler en Aquitaine jusques atant que ses peres s’en fust partiz. Retorner s’en voloit en France li empereres ; mais li yvers commença si forz et si aspres comme l’on [n]’avoit veu grant tens devant. Premierement commença par plouages. Après, fu la terre mole et destrempée, et puis gela si forment que nus n’estoit qui peust aler à cheval[2]. D’Aquitaine se
- ↑ Le royal ms. 16 G VI, fol. 205 vo, ajoute en note : « fist son conseil et tout le pueple assembler pour soy conseillier comment son filz Pepin qui de lui s’enfuioit pourroit faire à lui venir, et puis, etc. », traduisant ainsi le latin : « populum convocavit, filiumque Pippinum fugientum ad se quoquo modo revocare voluit. »
- ↑ « L’emperiere, après cest yver, fist son ost assembler à moult grant painne et labour et à nul prouffit ; et en Acquitaine se bouta desporveuement senz savoir l’effort de ses ennemis. Et pour ce, reue l’ordenance, il ordena de soy partir d’Acquitaine ; et adoncques, de fait » (royal ms. 16 G VI, fol. 205 vo, en note).
