d’Albe[1]. Mais li empereres i envoia tantost souffisant chevalerie qui assez tost les abatirent et mistrent au desouz.
Selonc la costume françoise ala li empereres chacier en la forest de Vohouge[2], après repaira pour yverner à Es la Chapele. En cele voie li fu conté comment Bernarz, ses niés, li rois de Lombardie, qui par lui avoit esté coroné en partie au tens Challemaine son pere[3], s’estoit tornez contre lui par le conseil d’aucuns traiteurs, et si s’estoient à lui alié et juré tuit li prince des citez du roiaume de Lombardie, et ja avoient mises garnisons aus destroiz des montaignes et à toutes les entrées de la terre. Quant li empereres sout certainement la verité par le tesmoing Suppone[4] et l’evesque Rathat[5], il assembla ses oz moult efforciement de toutes les parties de France et d’Alemagne ; au plus hastivement que il pot mut et vint jusques à la cité de Chaalons. Mais Bernarz, qui bien vit que il ne porroit durer vers lui à la parfin, ne à bone fin venir de tel besoigne, car pluseur de ceus qui à li s’estoient alié li faloient du tout, chai en desesperance, les armes mist jus et vint à l’empereor ; à ses piez se laissa chaoir et li rejehi que il s’estoit vers lui meffaiz[6]. A l’exemple de lui, firent tuit li autre traiteur. Tuit desarmé vindrent avant et se mistrent haut et bas en sa merci et en son juge-
- ↑ « Saxoniam transalbianam vexabant » (Vita Hludowici).
- ↑ « Vosagi lustra » (Vita Hludowici).
- ↑ C’est en 813 que Charlemagne donna le royaume d’Italie à Bernard, en même temps qu’il associa Louis le Débonnaire à l’empire (Éginhard, Annales, année 813).
- ↑ Suppo était comte de Brescia.
- ↑ Ratold fut évêque de Vérone de 799 environ à 840.
- ↑ « Confessus perperam se egisse » (Vita Hludowici).
