alerent par tout le païs que cil de la Maçourre estoient assis de crestiens ; si commencierent à venir de pluseurs parties en l’aide de la Maçorre ; si s’asamblerent ensemble et vindrent jusques aus lices et commencierent à assaillir a grant effors et espoentable. Les barons s’apresterent d’eus deffendre, et ordenerent leur batailles et se ferirent en euls si viguereusement qu’il les firent reculer et torner en fuie vers l’Aumaçorre, et les chacierent de si près qu’il en ocistrent et pristrent des plus hardiz et des miex renommez.
Poi demoura après que le fiuz au soudan qui mandez estoit devant la mort son pere es parties d’Oriant où il sejornoit[2], vint à la Maçorre a grant compagnie de Sarrazins. Quant cil de la Maçourre sorent sa venue, si sonnerent contre lui cors et buisines et tabours, et alerent contre lui, et le reçurent a grant joie et lieement comme seigneur. Pour la venue de lui, crut et enforça la puissance aus Sarrazins, et aus pelerins avint tout le contraire, car une pestilence de diverses maladies, et mortalité tote commune avint lors aus homes et aus bestes et aus chevaus, dont il furent si tormentez que
- ↑ Guillaume de Nangis, Vie de saint Louis, dans Rec. des Hist. des Gaules et de la France, t. XX, p. 376-377 ; Chronique latine, t. I, p. 205. Voir Joinville, chap. lvii à lxi ; Vincent de Beauvais, Speculum historiale, liv. XXXI, chap. c. Cf. Mathieu de Paris, t. V, p. 155-157.
- ↑ Ce fut le 22 février 1250 que Touran-Schah prit possession du royaume d’Égypte. Il vint peu après à Mansourah (Lenain de Tillemont, t. III, p. 317).
