et qui vouloit son serement garder qui ne feust faus parjure, d’aucune debte ou d’aucune chose où l’en fust tenuz de respondre, le prevost en levoit amende ou il estoit domagiez ou puniz. Par les granz rapines qui estoient fetes en la prevosté, le menu pueple n’osoit demourer en la terre le roy, ançoiz demouroit es autres seignorez, si que la terre le roy estoit si vague que quant le prevost tenoit ses plez il i venoit si poi de gent que le prevost [se levoit] sans oïr personne nulle qui se vosist presenter devant lui. Avoec tout ce, il estoit tant de larrons environ le païs, que maintes plaintes en furent devant le roy. Si volt que la prevosté de Paris ne fust plus vendue, ançois manda l’evesque de Paris et li dist que ce estoit contre droit et reison que quant les genz voloient garder leur serement, ne ne voloient pas euls parjurer, qu’il en estoient puniz. « Si vous pri, » dist le roy, « sire evesque, que vous corrigiez ceste mauvaise coustume en vostre terre, et je la corrigeré en la moie. » L’evesque respondi qu’il s’en conseilleroit en son chapitre ; et quant il s’en fu conseillié, si n’en fist néent, pour la couvoitise de perdre ses amendes. Onques pour ce le roy ne lessa à enteriner son propos. Si donna bons gages à ceus qui garderent la prevosté de Paris et abati toutes mauveses coustumes dont le pueple estoit grevé et fist enquerre par tout le païs où il peust trouver homme qui feist bonne justice et roide, et qui ne soustenist plus le riche que le povre. Si li fu endité Estienne Boiliaue[1], lequel Estienne garda la prevosté si bien que
- ↑ Étienne Boileaue, qui avait été prévôt d’Orléans, fut prévôt de Paris dès le mois de mars 1261 (n. st.). Il mourut probablement en charge entre le 25 décembre 1269 et le mois
