pour ce que le port ne pooit pas prendre si grant nombre de gent, les barons et les nobles homes tornerent aus citez d’entour et aus bonnes villes, et sejournerent tant que les naves furent garnies de vitailles et d’armeures. Si comme il estoient à sejour, il avint que trop grant forsenerie mut entre les Prouvenciaus et ceus de Cathelongne, et mut pour poi d’achoison. Si s’entrecoururent sus des espées, de coutiaus et de haches. Quant François virent Prouvenciaus assaillir, si se ferirent en la mellée, et chacierent Cathelains[1] jusques dedenz les nez. Si estoient si eschaufé de corrous qu’il se ferirent en la mer jusques au col pour eus occire ; ne nul puissant home n’estoit iluec qui la forsenerie de cele gent peust departir. En celle mellée furent bien ocis c hommes, sanz ceus qui furent noiez. Le roy qui tenoit feste et court pleniere à Saint Gille, le jour de Penthecouste[2], oï la nouvelle ; si vint hastivement celle part et enquist par qui ce fait estoit commencié. Tantost qu’il sot la verité, il commanda que ceus qui l’avoient commencié feussent puniz[3].
Quant la navie le roy fu toute preste si entra en sa
- ↑ D’après le ms. fr. 2813 ; le ms. de Sainte-Geneviève avait mis par erreur châtelains.
- ↑ 1er juin.
- ↑ G. de Nangis dit qu’il les fit pendre : « Principales injuriæ jussit morte patibuli puniendos. »
- ↑ Guillaume de Nangis, Vie de saint Louis, dans Rec. des Hist. des Gaules et de la France, t. XX, p. 442-443.
